69 familje, banorë në komunën Pinerolo, do të përfitojnë 200,000 euro nga trashëgimia e një gruaje të moshuar e quajtur Olga Ghirardi.
Para se të ndërronte jetë, gjatë nënshkrimit të testamentit Olga ka shprehur dëshirën se kjo pjesë e pasurisë së saj do të shkojë për familjet në nevojë. Ky gjest i befasoi qytetarët, të cilët në 16 shtator do të organizojnë një ceremoni publike për nder të saj.
Kështu, Komuna ka vendosur të publikojë një thirrje për të zgjedhur familjet të cilave do t’u caktohet trashëgimia e Olgës. Deri tani kanë mbërritur 75 kërkesa, por nga këto vetëm 69 janë pranuar.
