Një incident u shënua në fillim të Panairit Veror të Librit në Durrës, ku disa protestues nga kampi i muhaxhedinëve protestuan para tendës së një prej pjesëmarrësve. Përfaqësuesit nga kampi i muhaxhedinëve rrethuan tendën e hapur nga Gjergj Thanasi, i cili sipas tyre është mbështetës i pushtetit diktaktorial në Iran.
Protesta ishte e mirë menduar nga ana e opozitarëve iranian të cilët nuk u ndalën deri kur u mbyll stenda e hapur në Festivalin Veror të Librit në Durrës.
Përplasja mes tyre ka qenë e vazhdueshme në mënyrë verbale dhe sot degradoi në dhunë fizike. Protestuesit demonstruan me parullat: Terroristët e regjimit Iranian nuk e ndotin dot qytetin tonë.
Është dashur ndërhyrja e forcave të policisë dhe shoqërimi i personave nga të dyja palët që të qetësohej situata.
Deri më tani nuk ka një njoftim zyrtar nga ana e policisë dhe nuk dihet nëse stenda do të hapet në ditët në vijim. Mësohet se mes të shoqërueve është dhe Gjergj Thanasi.
