Në momentin e ndjekjes dhe arrestimit të 26-vjeçarit Armand Razapour-Mijondoub, i cili kreu sulmin e përgjakshëm në Paris, duke goditur për vdekje një turist dhe duke plagosur dy të tjerë, ka regjistruar një video që po bën xhiron e internetit.
Videoja dyshohet se tregon sulmuesin duke u përpjekur t’i shpëtojë dy policëve, një burrë dhe një grua, të cilët i drejtojnë armët.
French police arrest Islamic terrorist in Paris who killed one person and injured two shouting “Allah Akbar”. pic.twitter.com/B5xR1CbsNd
— RadioGenoa (@RadioGenoa) December 3, 2023
Në të njëjtën kohë, sulmuesi postoi një video në rrjetet sociale duke marrë përgjegjësinë për sulmin e tij. Në këtë fazë, hetuesit nuk e dinë se kur është regjistruar video, por ajo është postuar në internet “njëkohësisht” me sulmin, sipas burimit të sigurisë.
Paris: Vidéo du terroriste “Français” avant son passage à l’acte dans un parfait “Français” selon nos médias
On apprend finalement que le dénommé Arman Rajabpour-Miyandoab est d’origine Iranienne et semble parler parfaitement l’arabe pic.twitter.com/Ybq4mNAXr3— Réalité Actuelle (@ReaActuelle) December 3, 2023
26-vjeçari Armaan Razapour-Miyondouab përballet me akuza të shumta dhe të rënda pas sulmit të së shtunës mbrëma, përfshirë vrasjen. Mësohet se ai po i nënshtrohet “trajtimit psikiatrik dhe neurologjik”, ndërkohë që është i njohur për autoritetet pasi ka dalë nga burgu në vitin 2020.
Antiterroristi francez mori përsipër hetimet
Një ditë pas sulmit u njoftua se hetimet tashmë i janë transferuar prokurorisë franceze antiterroriste.
Autori ka lindur në vitin 1997 nga prindër iranianë. I dyshuari u arrestua menjëherë pas sulmit të tij të përgjakshëm. Sipas prokurorisë publike të Parisit, është hapur një hetim, ndër të tjera, për vrasje dhe tentativë për vrasje. Në momentin e sulmit ai bërtiti “Allahu është i madh”.
26-vjeçari u arrestua në vitin 2016 nga Drejtoria e Përgjithshme e Sigurisë së Brendshme (DGSI) për planifikimin e aksionit të dhunshëm në një periferi të Parisit. Ai ishte dënuar me pesë vjet burg dhe ishte liruar nga burgu pas katër vitesh paraburgim, sipas këtij burimi.
Autoritetet do të shqyrtojnë nëse sulmuesi, një person që duket “shumë i paqëndrueshëm dhe i ndikuar shumë lehtë”, ishte nën mbikëqyrjen mjekësore, sipas një burimi të sigurisë. “Nëse ai ishte nën mbikëqyrjen mjekësore siç duhet të ishte dhe siç ka qenë për disa kohë, kjo është pyetja që do të bëhet”, tha një burim policor për AFP.
Ngushëllime nga Macron për familjet e viktimave
Ngushëllimet për familjet e viktimave, shprehu presidenti francez përmes X.
Në postimin e tij, Emmanuel Macron përmend “ngushëllimet e tij për familjen dhe të afërmit e shtetasit gjerman që humbi jetën”.
“Ne nuk do t’i dorëzohemi terrorizmit”, tha kryeministrja Elizabeth Bourne.
