Teksasi goditet nga një tërmet me magnitudë 5.5 i shkallës rihter, i katërti më i fortë në rajon: Si ndikon në industrinë e naftës në Teksasin Perëndimor?!
Teksas: Rajoni i prodhimit të naftës në Teksasin perëndimor të Shteteve të Bashkuara u godit nga një tërmet me magnitudë 5.5, një nga më të këqijtë që shteti ka parë ndonjëherë.
Tërmeti i fortë tronditi strukturat dhe makineritë e naftës, por fatmirësisht nuk shkaktoi dëme të dukshme në objektet, konfirmuan autoritetet amerikane.
Tërmeti goditi Teksasin në orën 17:35 me orën lokale (2335 GMT) 22 kilometra (12 milje) në veriperëndim të Midland në një thellësi prej rreth tetë kilometrash, tha Shërbimi Gjeologjik i SHBA.
Një lëkundje relativisht më e lehtë me magnitudë 3.3 pasoi tërmetin e parë vetëm tre minuta pas lëkundjes.
“Ky do të ishte tërmeti i katërt më i fortë në historinë e shtetit të Teksasit!” postoi në Twitter zyra e Shërbimit Kombëtar të Motit në Midland.
