Një 31-vjeçar shqiptar në Itali është vënë në prangat e Policisë, pasi nën efektin e alkoolit, ai fillimisht theu xhamin e përparmë të makinës së një zonje shtatzënë që kishte tre fëmijë në makinë me vete, sepse ajo nuk kishte vënë sinjalin e kthesës për të sinjalizuar ndryshimin e drejtimit.
Sipas mediave të huaja, shqiptari i paidentifikuar gjithashtu ka goditur partneren e tij përballë karabinierëve, të cilët kanë ndërhyrë pas thirrjes të së aksidentuarës. Ndaj dhe i janë vendosur prangat.
I proceduar me shpejtësi në gjykatën e Savonës, pasi kaloi natën në dhomën e sigurisë së komandës krahinore të Armës, ai i kërkoi falje gruas së tij, gruas së cilës i kishte shkatërruar xhamin e përparmë të makinës, duke premtuar se do të shlyente dëmet.
Më pas u kërkoi falje edhe karabinierëve që kishte tentuar t’i sulmonte.
