Kjo ditë ka nisur me përplasje te lagjja “5 Maji” në Tiranë, pasi prej muajsh vazhdonte agonia dhe rezistenca e banorëve për të mos lejuar shembjen e banesave të tyre, sot fadroma e IKMT kanë mbërritur atje në mëngjes herët për të filluar shembjen e shtëpive të mbetura.
Ashtu sikur kanë paralajmëruar banorët kanë bërë rezistencë duke i kërkuar fadromave të largohen, por në këto momente ka ndërhyrë policia, çka ka bërë që gjendja të agravohet dhe të nis përplasja mes tyre, ndërsa i bëjnë thirrje që të mos ua prekin shtëpitë. Kujtojmë se në protestën e fundit banorët thanë se do kalojnë në protesta të dhunshme apo do të zgjedhin edh rrugën me kanun për të mos lejuar shembjen e shtëpive.
Ata i kishin dhënë qeverisë afat deri ditën e martë, ndërsa në të kundërt thanë se do të futen në grevë, por siç duket qeveria nuk e ka marrë për bazë kërkesën e tyre dhe kaq çuar sot mjetet për të nisur shembjen. Situata është e tensionuar dhe pritet që reagimi i banorëve të jetë më i ashpër.
