Nexhmije Pagarusha ka ndërruar jetë ditën e sotme në moshën 86 vjeçare. Pagarusha dha shumë për artin dhe kulturën shqiptare, prandaj vepra e saj do të kujtohet brez pas brezi.
Shumë prej personave publikë kanë shkruar mesazhe ngushëllimi në rrjetet e tyre sociale.
Njëri prej tyre është dhe tenori i njohur Ramë Lahaj ku ka përmbledhur disa fotografi që kishte bashkë me Nexhmijen, ndërsa i kërkon falje të ndjerës që si shtet nuk bëmë sa duhet për të.
Postimi i plotë:
“Zemër plas!
Më këpute shpirtin Nanush!
Ajo që dhembë tmerrësisht shumë është që s’do të kem me mundësi të vij e të të përqafoj fizikisht por ne shpirt e mendje do të ruaj përherë kujtimin e veprën e madhe që na le sepse gjenerata të tëra, nder breza jem rritur me zërin tënd hyjnor.
Të na falësh që si shtet, nuk bëmë aq sa duhet për ty, por nuk bëmë kurrë për askënd që e ngriti lart ne piedestal artin dhe figurën e shqiptarit. Por kështu jemi ne. Luftë hijenash bëjmë vetëm për karrige.
Lamtumirë nanush!
Ta dish që sa të kem frymë e kudo në botë do mburrem me ty dhe artin tënd hyjnor.
U prehsh në paqe zëri i Kosovës, Nexhmije Pagarusha”.
