Unaza e madhe vazhdon të gllabërojë para nga buxheti i shtetit. Pavarësisht miratimit të projektit të ashtuquajtur të Adil Carçanit tashmë kërkohet që të bëhet konsultimi për projektin sipas planit të arkitektit Stefano Boeri.
Në datën 27 gusht 2020 Agjenica e prokurimeve publike ka hapur garën për dokumentet standarde te procedurës shërbime konsulence me “Studim Projekti, rishikim i projektit per segmentin rrugore te vazhdimit te unazes se madhe Tirane nga sheshi Shqiponja-Bulevardi i Ri”
Për këtë shërbim i cili parashikon edhe devijim të projektit ku edhe kanë filluar prishjet e objekteve, është lënë afat vetëm 2 javë për dorëzimin e dosjes.
Edhe në këtë procedurë vetëm 14 ditë kalendarike për një projekt prej fondit limit 32.358.401,54 lekë pa tvsh. Në dosjen që kompanitë duhet të garojnë duhet të dorëzojnë kërkesën për shprehje interesi dhe dokumentat e kërkuara në DT. Edhe në këtë rast nëse kandidatët nuk plotësojnë kërkesat skualifikohen dhe në garë duhet të jenë të paktën 2.
Kriteret e përzgjedhjes së fituesit sipas njoftimi të app-së duhet që oferta më e mirë bazuar në Çmim dhe Propozim teknik. Në kohën që projekti i shumë kundërshtuar i Unazës së Madhe ka marrë një buxhet prej 20 mln euro për 1 kilometër, loti nga sheshi Shqiponja tek Bulevardi i Ri vetëm për shërbim konsulence do të kushtojë mbi 32 mln lekë pa tvsh. Dorëzimi i dokumentacioneve të kandidatëve mbyllet në datën 9 shtator në mesditë dhe kohëzgjatja e kontratës ose afati kohor për ekzekutimin është 21 muaj.
Projekti i Adil Çarçanit me projektin e Stefano Boerit, përkthehen në një numër më të madh objektesh të shembura dhe një buxhet më të madh shpronësimesh. Ndërsa vlerën e këtij loti do ta nxjerrë kompani që do të fitojë tenderin për shërbime konsulence.
