Prestigjozja britanike “The Telegraph” e ka klasifikuar Butrintin si një nga qytetet më të veçanta antike.
Referuar përshtypjeve të turistëve që e kanë vizituar, gazeta britanike e ka përshkruar Butrintin si një qytet romak të karakterizuar nga mozaikë dhe bukuri të shumta natyrore.
“Shumë vite më parë, kur isha rreth 14 vjeç kam vizituar Butrintin në Shqipëri, me rrënojat e lashta që unë nuk i kisha vizituar ndonjëherë. Ishte si një qytet i madh romak, që kishte rreth vetes një koleksion të madh rrënojash. Më bënë përshtypje mozaikët në tokë dhe më pëlqeu shumë ai qytet. Kjo ishte vizita ime e parë në një vend që mbrohej nga UnescoWorld”,- shprehet një prej vizitorëve të Butrintit.
