Bukuroshja e ekranit, Andresa Ambrosio do të bëhet nënë e një djali. Ajo ka zbuluar pasditen e sotme gjininë e bebit teksa ishte e ftuar në emisionin ‘Rudina’.
Teksa i dukej barku i rrumbullakët, Andresa ka çarë tullumbacen që mbante brenda lajmin, ndërsa ajo u surprizua kur prej saj dolën tullumbace të vogla blu.
Pak muaj më parë, moderatorja teksa po prezantonte krah Ardit Gjebres ‘Telebingon Shqiptare’ është ndeshur me një pyetje të papritur nga një telefonuese që i ka zbuluar dhe sekretin.
Telefonuesja e ka pyetur Andresën nëse mban fustane të gjera pasi është në pritje të ëmbël.
Moderatorja nuk ka nguruar të konfirmojë lajmin për të gjithë ndjekësit e saj duke u shprehur se do të bëhet nënë për herë të parë.
“Zonja ka të drejtë”-është shprehur Andresa ndërsa Arditi shkoi ta përqafonte moderatoren si për të konfirmuar lajmin e ëmbël.
