Ministrja e Arsimit dhe Sportit Evis Kushi ka realizuar së fundmi një takim me drejtuesit kryesorë të rrjeteve profesionale.
Kujtojmë që në media ka qarkulluar një tekst, ku fshatrat në Shqipëri përshkruheshin me një lagje pasanikësh në periferi të qytetit.
Lajmi u përhap masivisht në rrjetet sociale, dhe kjo nuk është hera e parë që tekstet që u jepen nxënësve shqiptarë lënë shumë për të dëshiruar.
Nisur nga shqetësimet e ngritura së fundmi në lidhje me ndonjë pasaktësi apo pasqyrim jo të përshtatshëm të realitetit në tekstet tona mësimore, zhvilluam në MAS një takim me drejtuesit kryesorë të rrjeteve profesionale, të cilët u angazhuan që së bashku me stafet e specializuara të rishikojnë në detaje të gjitha tekstet në arsimin tonë parauniversitar.
