Ndërsa Policia e Shtetit po bllokon energjikisht bregun e detit, parqet dhe lulishtet që mos të dalë njerëzia, një ngjarje e rëdnë është shënuar në Vlorë pas mesnatës. Një 25 vjeçar është ekzekutuar me breshëri kallashnikovi.
I riu është goditur nga një distancë e afërt nga një automjet i llojit BMW me targa greke që më vonë është gjetur i shkrumbuar nga flakët në lagjen “10 Korriku”.
Në brendësi të makinës ishte dhe kallashnikovi i përdorur gjatë atentatit.
Vendi ku u gjet automjeti i djegur, në një lagje me rrugica të ngushta, pa ndriçim, gjë që bën të vështirë identifikimin e autorëve.
I riu Kristian Breshanaj mori pesë plumba në trup që i sollën vdekjen.
Në qershor të vitit 2014 viktima është arrestuar, pasi ju gjet lëndë narkotike, teksa drejtonte makinën pa leje drejtimi.
