Policia e Fierit ka arrestuar tre ish-punonjës të TEC-it të Fierit dhe ka shpallur në kërkim dy të tjerë me akuzën e shpërdorimit të detyrës.
Policia bënë me dije se këta shtetas në bashkëpunim me njëri-tjetrin gjatë periudhës 2012-2013 që kanë qenë në detyrë i kanë shkaktuar shtetit një dëm prej 209 milion lek nga ankandet publike të kryera në atë periudhë ku kanë favorizuar firmën e shtetasit T.B.
Te arrestuarit janë: Flamur Fejzulla, ( ish Përgjegjës i TECIT Fier), Artem Rusto, (Ish magazinier pranë TEC Fier), Qemal Vrenozi (Ish Drejtor pranë TEC Fier).
Për këta shtetas Gjykata e Rrethit Gjyqësor Fier ka caktuar masën e sigurisë “Arrest në burg”, ndërsa për shtetasin Qemal Vrenozi masën e sigurisë “Arrest shtëpie”.
