Reperi Arkimed Lushaj, i njohur me emrin artistik Stresi ka shumë fansa dhe ndjekës në rrjetet e tij sociale. Ashtu si çdo personazh i njohur, Stresi duket se ka fansat e tij të çmendur, dhe këtë e ka treguar me postimin e tij të fundit.
Reperi ka ndarë në Instastory, një screenshot të disa mesazheve që ka shkëmbyer me një ndjekës, emrin e të cilit nuk ka vendosur ta bëjë publik.
Nga fotoja, duket se nuk është hera e parë që ai merr mesazhe të tilla nga ky ndjekës, pasi nga story i publikuar mund të lexohen mesazhet që personi i ka shkruar reperit më parë.
“Çkemi dritë, çfarë bën”– thuhet në mesazhet e para, të cilave Stresi nuk iu është përgjigjur.
Më tej, ndjekësi ka komentuar në një foto të postuar nga Stresi, ku tregon tatuazhin e ri.
Edhe në atë fotografi, ndjekësi ka komentuar përsëri dhe mesa duket ka marrë përgjigje nga reperi.
“Të vij ta haj dorën unë ty”.
“Kushton më shumë ora se dora”, i ka kthyer Stresi, ndërsa biseda e plotë vërehet në foto.
Kujtojmë se, ditë e fundit Stresi ka qenë në qendër të vëmendjes, pas u shfaq nën shoqërinë e një vajze misterioze duke nxitur dyshime se ka nisur një lidhje të re.
Dyshja janë parë në një club ulur krah njëri-tjetrit teksa duken shumë të afërt. Madje në një moment reperi e puth në faqe. Vajza quhet Erika dhe është e panjohur për publikun ndonëse ka shumë ndjekës në rrjetin e saj social Instagram.
