Policia e Shkodrës ka reaguar për të shtënat me armë që u raportuan këtë mbrëmje në qytet.
Sipas policisë, lidhur me ngjarjen bëhet me dije se 25-vjeçari Alban Bruçi ka kallëzuar se në drejtim të automjetit të tij është qëlluar me armë zjarri. Ndërkohë, kujtojmë se siç u raportua më herët nuk ka persona të lënduar.
“Rreth orës 21:30, shtetasi A. B., 25 vjeç, ka kallëzuar se, në lagjen “Partizani”, Shkodër është qëlluar me armë zjarri pistoletë në drejtim të automjetit tip “Audi”. Nga të shtënat nuk ka persona të dëmtuar.”
Grupi hetimor, nën drejtimin e Prokurorisë, vijon punën në vendngjarje për sqarimin e plotë të rrethanave, dokumentimin ligjor të kësaj ngjarjeje, identifikimin dhe kapjen e autorit/ëve.
Shërbimet e Policisë kanë ngritur pika kontrolli edhe në zonën përreth, me qëllim kapjen e autorit/ëve.
