Të shpallur në kërkim për shpërdorim të detyrës dhe falsifikim dokumentash, arrestohen sot nëndrejtori i Kadastrës së Durrësit, Arben Isaku dhe ekonomisti Redi K., 27 vjeç.
Mësohet se dy personat janë vetëdorëzuar në polici.
Arben Isaku është kryetar i grupit të këshilltarëve të Partisë Socialiste në Bashkinë e Durrësit si dhe sekretari organizativ i PS-së.
Këta persona akuzohen se kanë pajisur me leje legalizimi duke falsifikuar dokumentet dy shtetas për një sipërfaqe 123 metra katror dhe truall 500 metra katror në zonën e plazhit.
Abuzime me legalizimet në Durrës/ Ndalohet ekonomisti i Kadastrës, 2 zyrtarë shpallen në kërkim
