Tërmeti i fortë me magnitudë 5.7 ballë që goditi mbrëmjen e kaluar Ballkanin, është ndjerë në disa shtete, përfshirë edhe vendin tonë. Disa prej vipave shqiptarë kanë reaguar nëpërmjet ‘InstaStoryt’ e tyre në lidhje me lëkundjet e forta që u ndjenë edhe në Tiranë.
Midis tyre ishte dhe aktori i humorit, Donald Veshaj i cili ka bërë një batutë duke shkruajtur “Le të fillojnë telefonatat: A e ndjeve tërmetin?”
Pas këtij shkrimi ka ardhur dhe një video ‘funny’ në ‘Tik Tok’ e aktorit i cili ka vendosur në sfond pjesë të këngës së njohur JP Saxe- ‘If the world was ending.’ E teksa Donaldi improvizon duke bërë mimika të një fytyre të trishtuar poshtë videos ka shkruar: “Mendimi im i parë pas tërmetit. Të pres në autostradë sonte!”.
Mirëpo mesa duket fansat mendojnë se këtë thirrje aktori mund t’ia ketë bërë ish-partneres së tij, Bora Zemanit pasi në sektorin e komenteve të gjithë i bëjnë thirrje moderatores të shkojë tek ai.
