Mbrëmjen e sotme, moderatorja e njohur Bora Zemani ka marrë pjesë në sfilatën që ka organizuar stilisti Valdrin Sahiti. Moderatorja dukej mahnitëse me fustanin që kishte veshur, që i vinte në pah linjat trupore. I ftuar gjithashtu në event është dhe aktori i humorit, Donald Veshaj me vëllain e tij Romeon.
Donaldi ka bërë një postim të pazakontë në rrjetin e tij social Instagram. Ai ka publikuar një video nga sfilata ku vihet re hija e një fustani që kalon pranë. Nga një vështrim i thjeshtë, kuptohet qartë se bëhet fjalë për fustanin që kishte veshur Bora Zemani.
Kujtojmë që pak ditë më parë dyshja janë parë së bashku në një makinë, teksa po udhëtonin drejt Kosovës. Ende nuk ka një reagim nga të dy nëse ata vërtet janë rikthyer së bashku.
Por përmendim faktin se Bora, kur reagoi publikisht disa javë më parë rreth spekulimeve se është rikthyer me aktorin e humorit, tha “për momentin nuk ka asgjë”. Kjo deklaratë la hapësirë se nuk e përjashton mundësinë e rikthimit me aktorin e humorit.
https://streamable.com/miu2h5
