Sierra Leone është vendosur në shtetrrethim kombëtar, pasi persona të armatosur sulmuan burgjet, duke liruar të burgosurit. Sipas BBC, të burgosur nga një numër i madh burgjesh u liruan të dielën në mëngjes.
Gjithashtu persona të armatosur kishin sulmuar kazermat ushtarake në kryeqytetin, Freetown. Banorët raportuan se kishin dëgjuar të shtëna nga këto kazerma, të cilat ndodhen pranë rezidencës presidenciale.
Pas sulmit, Ministria e Informacionit deklaroi shtetrrethim të menjëhershëm. Banorët janë rekomanduar “fort” që të qëndrojnë brenda, ndërsa fluturimet drejt dhe nga aeroporti i vetëm ndërkombëtar i vendit janë anuluar.
Rreth mesditës, ministri i Informacionit, Chernor Bah, tha se agresorët ishin shtyrë në rrethinat e Freetown.
Në platformën sociale X, ai shkruajti: “Pjesa më e madhe e qytetit është e qetë dhe nën kontrollin e forcave shtetërore të sigurisë”.
“Pjesa më e madhe e qendrave të vuajtjes së dënimit, përfshirë burgjet e Pademba Road u sulmuan më herët gjatë ditës së sotme dhe në interes të mbrojtjes së jetëve të civilëve, përshirë të të burgosurve, forcat e sigurisë u detyruan që të bënin një tërheqje taktike”.
Burime ushtarake i thanë BBC se disa prej personave të armatosur, përfshirë roja i ish-presidentit Ernest Koroma, janë arrestuar.
Gjatë orëve të mëngjesit, në rrugët e Freetown u shfaqën ushtarë të pajisur me armatime të rënda në një makinë policie, ndërsa të tjerë brohorisnin se planifikonin të “pastronin Sierra Leonen”.
Mbetet e paqartë sa të burgosur janë liruar, por pamjet shkruan BBC, tregojnë shumë persona që arratiseshin nga burgu i Pademba Road. Në një video shfaqej reperi i njohur Boss LAJ, i cili u fut në qeli vitin e shkuar për grabitje, e që sot vraponte i lirë.
Në X, presidenti Julius Maada Bio foli për një rezolutë për “mbrojtjen e demokracisë në Sierra Leone” dhe u kërkoi qytetarëve të qëndronin brenda.
Sierra Leone është vendosur në shtetrrethim kombëtar, pasi persona të armatosur sulmuan burgjet, duke liruar të burgosurit. Sipas BBC, të burgosur nga një numër i madh burgjesh u liruan të dielën në mëngjes.
Gjithashtu persona të armatosur kishin sulmuar kazermat ushtarake në kryeqytetin, Freetown. Banorët raportuan se kishin dëgjuar të shtëna nga këto kazerma, të cilat ndodhen pranë rezidencës presidenciale.
Pas sulmit, Ministria e Informacionit deklaroi shtetrrethim të menjëhershëm. Banorët janë rekomanduar “fort” që të qëndrojnë brenda, ndërsa fluturimet drejt dhe nga aeroporti i vetëm ndërkombëtar i vendit janë anuluar.
Rreth mesditës, ministri i Informacionit, Chernor Bah, tha se agresorët ishin shtyrë në rrethinat e Freetown.
Në platformën sociale X, ai shkruajti: “Pjesa më e madhe e qytetit është e qetë dhe nën kontrollin e forcave shtetërore të sigurisë”.
“Pjesa më e madhe e qendrave të vuajtjes së dënimit, përfshirë burgjet e Pademba Road u sulmuan më herët gjatë ditës së sotme dhe në interes të mbrojtjes së jetëve të civilëve, përshirë të të burgosurve, forcat e sigurisë u detyruan që të bënin një tërheqje taktike”.
Burime ushtarake i thanë BBC se disa prej personave të armatosur, përfshirë roja i ish-presidentit Ernest Koroma, janë arrestuar.
Gjatë orëve të mëngjesit, në rrugët e Freetown u shfaqën ushtarë të pajisur me armatime të rënda në një makinë policie, ndërsa të tjerë brohorisnin se planifikonin të “pastronin Sierra Leonen”.
Mbetet e paqartë sa të burgosur janë liruar, por pamjet shkruan BBC, tregojnë shumë persona që arratiseshin nga burgu i Pademba Road. Në një video shfaqej reperi i njohur Boss LAJ, i cili u fut në qeli vitin e shkuar për grabitje, e që sot vraponte i lirë.
Në X, presidenti Julius Maada Bio foli për një rezolutë për “mbrojtjen e demokracisë në Sierra Leone” dhe u kërkoi qytetarëve të qëndronin brenda.
