Nga Helga Vukaj*
Të dhënat e votuesve
Fenomeni jo vetëm është kriminal, por dhe tejet i rrezikshëm dhe në thelb ky fenomen po tenton të japë efektet e minimimit të procesit zgjedhor, ndoshta ditën e zgjedhjeve ndoshta i ka dhënë apo pas ditës së zgjedhjeve.
Si qytetare e këtij vendi, si banuese e kryeqytetit, si anëtare e Komisionit rregullator, dua të them se puna jonë është thuajse e denigruar apo e përçudnuar.
Do ju tregoj një dokument që po qarkullon mediatikisht dhe kjo është e dhimbshme, ku unë Helga Vukaj me numër rendor, me numër identiteti, me të dhëna të tjera persona, më del qartë atësia, numri i telefonit dhe kë kam patronazhist.
Patronazhisti im më kujton diktaturën, kur të parët e mi përndiqeshin nga fuksi i lagjes, me një qëllim të caktuar politik. Mos vallë jemi kthyer në vitin 1990? Kjo është e tmerrshme, nëse vërtetë po ndodh dhe siç rezulton po ndodh, ku Rezart Fetollari mua më përndiqka.
Por, ky person nuk e bën këtë i vetëm, sepse ky person të dhënat e mia i ka siguruar në bashkëpunim me mekanizmat institucionale ndërveprues në këtë krim zgjedhor. E dhëna ime si ID administrohet nga Drejtoria e Përgjithëshme e Gjendjes Civile, më bën të mendoj që bashkëpunëtor i parë është DPGJC, se ku unë jam e punësuar më bën të mendoj se drejtoria e tatimeve dhe sigurimeve shoqërore qenkërka institucioni tjetër bashkëveprues në këtë krim zgjedhor. Numri im i telefonit më bën të mendoj që kompania private më paska ekspozuar të dhënat të mia. Por, kjo situatë më bën të mendoj që kontigjente kibernetike mund të të më sulmojnë në çdo kohë. Atëherë, ku qëndron garancia në aspektin zgjedhor? Zero të nderuar! Çfarë është bërë deri tani nga organet, të cilat kanë dijeni, sepse zien kjo çështje, janë të prekur gazetarët të cilët nidhen të cënuar dhe të dhunuar.
Më lind natyrshëm pyetja, çfarë është bërë me këtë çështje, ku janë organet përgjegjëse ligjzbatuese ku janë deri tani???
Dua zoti Sekretar i Përgjithshëm, ti adresohesh për prezencë këtu në këtë sallë drejtorit të DPGJC, drejtueses së e-albania, e cila mban përgjegjësi, Komisionerit për Mbrojtjen e të Dhënave Personale, të na raportojë urgjent se çfarë bëhet, Avokates së Popullit se çfarë ka evidentuar deri tani me impaktin? Impakti është edhe post zgjedhor, sepse në atë listë është bërë një ndasi se kush voton PS, PD apo LSI, dhe në varësi të zgjedhjeve kush nuk ka votuar PS mbetet kontigjent i sulmuar. Duhet t’i adresojmë shkresë edhe SPAK duhet të kishte reaguar deri tani, pasi nuk është çështje që kërkon hetim të thelluar.
Të gjitha këto janë kriminale për këto duhet të jetë përgjigje para datës 25. Pas datës 25 nuk kanë asnjë efekt, spostimet kujt i përket kompetenca, siç ndodhi me dosjen 184, ku u asgjësua cështja, nuk kanë efekt Dua që shkresat të nisen urgjent pasi është çështje shumë sensitive.
* Helga Vukaj është anëtare e Komisionit Rregullator të Zgjedhjeve
