Grupet e Task-Forcës të shpërndara në territorin e Tiranës, përfshir edhe zonat rurale, kanë identifikuar dhe shkëputur 198 raste të lidhjeve të paligjshme në rrjetin e ujësjellësit, ku uji i pijshëm përdorej për ujitje, ndërsa kanë vendosur 24 gjoba për familjarë dhe për biznese të ndryshme.
Monitorimi i situatës dhe disiplinimin e përdorimit të ujit të pijshëm ka vijuar në zonat: Farkë, Zall Herr, Petrelë, Babrru, rruga “Dhimitër Kamarda”, rr. “Ali Demi”, rr. “Kont Urani”, rr. Elbasanit, rr. “Hoxha Tahsin”, Liqeni i Thatë, zona e “Qytetit Studenti”, zona e ish-Parkut të Autobusëve, si dhe në linjat e transmetimit DN 700 dhe DN 1000, ku u bë verifikimi i 1770 rasteve.
Falë masave të marra në terren është rritur dhe numri i personave të cilët i janë drejtuar sporteleve të Ujësjellës Kanalizimeve Tiranë për të lidhur kontrata të reja.
