Një shpërthim i madh me makinë bombë vrau të paktën 30 vetë dhe plagosi dhjetra të tjerë në provincën lindore të Afganistanit Logar të Premten, thanë zyrtarët.
Makina shpërtheu në kryeqytetin Logar të Pul-e Alam afër shtëpisë së ish kreut të këshillit provincial dhe jo shumë larg një spitali, tha Didar Laëang, zëdhënësi i guvernatorit të Logar. Nuk ishte menjëherë e qartë se kush ishte pas shpërthimit.
Sipas dailymail, dhuna në Afganistan është përshkallëzuar javët e fundit pasi Presidenti i SHBA, Joe Biden njoftoi se SHBA do të tërhiqte trupat deri më 11 Shtator për t’i dhënë fund dy dekadave të pranisë së huaj ushtarake.
Ky vendim zemëroi talebanët të cilët kishin nënshkruar një marrëveshje me Presidentin e mëparshëm të SHBA Donald Trump që specifikoi trupat do të largoheshin nga vendi deri më 1 maj, në varësi të disa garancive të sigurisë.
Zëdhënësi i ministrisë së brendshme, Tariq Arian tha se numri i të vdekurve nga shpërthimi i së Premtes mund të rritet.
Rreth 60 vetë u plagosën, sipas kreut të këshillit provincional të Logarit, Hasibullah Stanekzai. Një zëdhënës i ministrisë së shëndetësisë tha se rreth 40 njerëz ishin dërguar në spital, disa në gjendje kritike.
