Kryetari i ri i Parlamentit të Maqedonisë, Talat Xhaferi ka akuzuar presidentin Maqedonas Gjorgje Ivanov se është burimi kryesor i situatës në Maqedoni.
Pas zgjedhjes së kryetarit të ri të Kuvendit të Maqedonisë, pasditen e djeshme protestues të dhunshëm uzurpuan Kuvendin për gati 3 orë dhe ushtruan dhunë ndaj deputetëve shqiptarë.
“Ivanov është burimi kryesor i gjithë kësaj pasoje. Nga dita e djeshme e ka të qartë se ai është burimi i kësaj gjëndje dhe me thirrjen politike dëshiron të lajë veten nga fajësia por nuk mund të anashkalojë. Takimi i sotëm është farsë”, u shpreh Xhaferri.
