Ministri i Brendshëm Saimir Tahiri, në seancën plenare të kësaj të enjtjeje, deklaroi se është çështje orësh e ditësh arrestimi i Klement Balili.
“Tani, ndryshe nga koha kur ishit ju në Qeveri, kriminelët nuk ikin më në drejtim të paditur. Nuk ka më që bën ç’të duash në këtë vend, i kalon edhe nën hundë policisë dhe nuk merresh vesh. Edhe ata që ju i përmendni emrin, Balili me shokë, të jeni shumë të bindur që është vetëm çështje orësh dhe ditësh derisa të kapen, sepse në këtë vend, me këtë Qeveri dhe këtë polici, nuk ka asnjë nga ata kriminelë që thoni ju që mund të mbetet larg nga duart e drejtësisë. Ky është dallimi ynë i madh me policinë që ishte dje”, deklaroi ministri Tahiri.
