Në përfundim të mbledhjes së sotme që zgjati për orë të tëra, kryetarja Jorida Tabaku ka bërë një deklaratë për mediat. Ajo tha se janë edhe shumë zyrtarë të tjerë që janë thirru të dëshmojnë, por janë të frikësuar dhe duan të pengojnë zbardhjen e të vërtetës.
“Unë u kërkoj qytetarëve vetëm pak durim. Të gjithë do shohin sesi është kryer kjo aferë korruptive. Janë thirrur në zyra shumë zyrtarë shtetesh të cilët të gjithë janë të frikësuar për këtë aferë të jashtëzakonshme korruptive. Jemi në pritje të marrjes në përgjigje të administratorit të inceneratorit të Fierit. Ministrat përgjegjës dhe stafi i tyre duhet të jenë të gjithë para drejtësisë sepse kanë paguar para nga buxheti i shtetit për diçka që nuk ekziston”, tha ajo.
Më tuje ajo tha se nga dëshmitë e sotme u zbulua se institucionet përgjegjëse po mundohet secili më vete të “lajnë duart” nga kjo çështje dhe ta pasojnë fajin dikur tjetër. Gjithsesi, Tabaku garantoi se në vazhdim do t’u jepet përgjigje dhe shumë pikëpyetjeve të tjera.
“Sot zbuluam që institucione zyrtare shtetërore i lanë duart dhe thanë se nuk janë të përfshirë dhe nuk janë lajmëruar. Si ka mundësi që janë lënë pa përfshirë institucionet e tjera? Ne sot dëgjuam disa pohime shumë të rëndësishme nga kryetari i bashkisë së Elbasanit dhe të tjerëve. Këtu nuk bëhet fjalë për incenerimin si alternativë por pse u vendos që në Shqipëri të ndërtoheshin këta inceneratorë kur nuk mjaftojnë? Pse u vendos t’i jepej kësaj kompanie ky proces incenerimi kur nuk kishte asnjë ditë eksperiencë? Janë tenderuar para që nuk ekzistojnë”, tha Tabaku. Ndërsa u shpreh e nuk do lejojnë askënd që të pengojë komisionin të vazhdojë procesin.
