Komisioni Hetimor për inceneratorët po zhvillon sot mbledhjen e fundit pas dëshmisë së kryeministrit Edi Rama për skandalin që opozita e konsideron si “vjedhjen e shekullit”.
Në mbledhjen e fundit, kryetarja Jorida Tabaku tha se Komisioni u përball me pengesa të shumta. Tabaku gjatë fjalës së saj veçoi mbrojtjen politike që iu bë gjatë këtyre javëve aferën aferës së inceneratovë nga zyrtarët e qeverisë që dëshmuar në komision.
Megjithatë, deputetja demokrate tha se qëllimi i komisionit ka qenë të tregojë që këto tre kontrata koncesionare kanë përfshirë punonjësit nga më i thjeshti te kryeministri i vendit.
“Të gjithë kanë harruar, nuk kanë parë nuk mbajnë mend çfarë ka ndodhur. Javët e fundit kemi parë mbrojtjen politike që i është bërë tre kontratave koncesionare që kulmoi të mërkurën me kryeministrin Rama. Në sytë e gjithë shqiptarëve është e qartë çfarë ka ndodhur. Qytetarët e kanë të qartë tregon lidhjen e drejtpërdrejtë dhe mbështetjen e shtetit. Nuk ndodh siç tha Edi Rama, që të firmoset diçka pa ditur stafi i tyre. Nuk ndodh që askush mos ketë parë apo dëgjuar se çfarë ndodh. Zoti Veliaj tha se ka marrë një angazhim pa pasur miratimin e këshillit bashkiak. Kjo është arroganca më e rëndë që i është bërë pushtetit lokal. Bllako preferoi të mos përgjigjej. Ky komision ka pasur shumë pengesa. Unë nuk besoj se opozitës i ka mbetur diçka për të bërë sepse kanë bërë maksimumin. I falënderoj kolegët Në përfundim ky komision ka arritur të bëjë maksimumin”, deklaroi Tabaku.
Tabaku tha se më datën 7 mars ky komision do të sjellë raportin përfundimtar, ndërsa theksoi se e rëndësishme është që të bien dakord në një përfundim.
