Nënkryetarja e Partisë Demokratike, Jorida Tabaku është acaruar me kryedemokratin Lulzim Basha dhe me kolegët e saj demokratët pasi nuk po tregonin respekt ndaj fjalës së saj në Parlament.
Teksa prezaton në sallë raportin e përpiluar gjatë Komisionit Hetimor për inceneratorët, ajo u bezdis në sallë nga ana e demokratëve që diskutonin me njëri-tjetrin. Kreu i PD, Lulzim Basha po diskutonte me zë të lartë me deputetin e Shkodrës, Helidon Bushati, çfarë solli reagimin e menjëhershëm të Tabakut.
“Unë i kërkoj kolegëve demokratë, ju lutem! E di që ka shumë gjëra për t’u diskutuar por ju lutem se kemi 4 vjet që merremi. Kjo është puna e 4 viteve,” tha Tabaku.
Nuk dihet se çfarë kanë diskutuar Basha dhe Bushati, megjithëse duhet thënë se ky i fundit ishte një ndër ata deputetë që i kërkuar dorëheqjen Bashës pa humbjes tronditëse në zgjedhjet e 6 marsit.
