Hakerat sulmojnë faqen online në Policisë së Shtetit.
Grupi shqiptar “Anonymous Albania” ka njoftuar në rrjetin social Facebook sulmin kibernetik, duke u shprehur se Policia e Shtetit është e korruptuar.
Ata thonë se shkaku i këtij sulmi ëshët fakti se policia nuk ka rrestuar deputetët që vjedhin ndërsa vetë përfiton në kurriz të popullit.
Ky grup paralajmëron Policinë e Shtetit se sulmi ndaj saj do të vijojë.
“Ne jemi Anonymous Albania, ëebsite i policisë shqiptare është hakuar nga ne sepse kemi vënë re se policia është e mbushur me korrupsion edhe po shfrytëzon detyrën. Ne po bëjmë punën që ju duhet të kishit bërë me kohë, duhet të kishit arrestuar deputetët që kanë bërë vjedhje dhe gjithë ato vrasje, por ju e harxhoni kohën duke i vjedhur popullit.
Ne do vazhdojmë t’iu shkatërrojmë ju, ky ishte vetëm fillimi. Ne nuk falim e as nuk harrojmë. Çdo gjë e fshehtë do dalë në shesh, s’do ketë më të fshehta ndaj nesh. Ky ishte vetëm një palajmërim, nëqoftëse vazhdoni akoma kështu do ketë pasoja të tjera, si dëme ekonomike, etj.
Portalet, mediat janë të kontrolluara nga shteti edhe ato do sulmohen së shpejti –Anonymous Albania! #AnonAlb #Anonymous #OpAlb #OpGovs#FucKCorruptedPolice #ALB”, thuhet në postim
“Anonymous Albania” kanë sulmuar në orët e vona të ditës së djeshme faqen online të Policisë së Shtetit, www.asp.gov.al e cila ende është e paaksesueshme.
