Gjatë sulmit në Londër, 3 ish-ushtarakë shqiptarë kanë ndihmuar rreth 130 persona që ndodheshin në restorantin pranë Urës së Londrës, ku tre agresorë shtypën turmën e më pas nisën të godasin qytetarët me thika.
Ishte vetë pronari i lokalit “Café Brood”, i cili rrëfeu për mediat se tre ish-pjesëtarë të ushtrisë shqiptare, të cilët punojnë në barin e tij kanë ndihmuar që të gjithë klientët të ishin të sigurt në tarrace ndërsa 3 agresorët kishin nisur sulmin e tyre me thika.
Sipas pronarit klientët qëndruan të mbyllur në lokal rreth një orë përpara se të evakuoheshin nga policia.
