Sadet Sala ka rënë sot në prangat e policisë në Shkodër, lidhur me përplasjen me armë që ndodhi në afërsi të një furre buke në muajin Mars të këtij vit.
Ngjarja ka ndodhur më 22 mars të këtij viti, në lagjen “Skënderbeg” ku është qëlluar me armë zjarri në drejtim të një biznesi furrë buke.
I arrestuari Sadet Sala ka qëlluar me armë zjarri në drejtim të personit të identifikuar me emrin Armando Ndreu 32 vjeç, banues në Shkodër, i cili pas një konflikti për motive të dobëta me 28-vjeçarin, ka qëlluar i pari në drejtim të biznesit në pronësi të tij, në lagjen “Skënderbeg”, Shkodër. Nga të shtënat janë shkaktuar vetëm dëme materiale.
Armando Ndreu vijon të jetë në kërkim nga policia.
Ndërsa i arrestuari pritet të përballet me akuzën për veprat penale “Vrasja me paramendim”, mbetur në tentativë dhe “Armëmbajtja pa leje” të caktuar nga Gjykata e Rrethit Gjyqësor Shkodër, me vendimin e datës 03.04.2022.
Materialet procedurale iu referuan Prokurorisë pranë Gjykatës së Rrethit Gjyqësor Shkodër, për veprime të mëtejshme.
