Përfaqësuesi i Lartë i Bashkimit Europian për Punët e Jashtme dhe Politikat e Sigurisë, Josep Borrell ka zhvilluar ditën e sotme një bisedë telefonike me kryeministrin Edi Rama.
Zëvendëspresidenti i Komisionit Europian bën të ditur se në fokus të bisedës me kreun e qeverisë ishin sulmet kibernetike që prekën vendin disa ditë më parë. Borrell thotë se këto sulme janë kërcënim ndaj integritetit dhe sigurisë së Shqipërisë. Ai shton se përpjekjet për të minuar institucionet dhe shoqëritë demokratike janë të papranueshme.
“BE do të qëndrojë pranë Shqipërisë në rritjen e mbrojtjes kibernetike,” thekson zyrtari i BE-së.
Spoke to PM @ediramaal today about the recent cyber attacks that have struck Albania.
These threats to Albania's integrity and security, and attempting to undermine democratic institutions and societies, are unacceptable.
EU will stand by #Albania in stepping up cyber defence.
— Josep Borrell Fontelles (@JosepBorrellF) September 15, 2022
