Një foshnje vetëm 3 javësh ka ndërruar jetë, pak ditë pas një sulmi me thikë në banesën e saj. Sulmi ndodhi të mërkurën brenda shtëpisë së tyre në Wallsend, Newcastle.
Mësohet se një 27 vjeçar i identifikuar si Denis Erdinch Beytula ka sulmuar me thikë edhe nënën e foshnjes 21 vjeçare e cila vazhdon të jetë nën kujdesin e mjekëve.
“Kjo është një kohë e vështirë për familjen e foshnjës. Oficerët dhe specialistët vazhdojnë t’u ofrojnë atyre mbështetje dhe unë e di se komuniteti në Ëallsend është gjithashtu në anën e tyre.
Është e pamundur të imagjinohet se çfarë po kalojnë dhe unë do t’i kërkoja publikut që të vazhdojë të respektojë privatësinë e familjes në këtë kohë të vështirë. Lidhur me ngjarjen një njeri është akuzuar dhe ne do të vazhdojmë të punojmë ngushtë me Shërbimin e Prokurorisë”, tha Kryeinspektori, Dave Cole nga Policia e Northumbrias.
Mbi 27-vjeçarin Denis Erdinch Beytula rëndon akuza e vrasjes së mbetur në tentativë.
