Sikur të hidheshin në rrugët e Kamzës aq lekë sa njofton në tendera kryetari Rakip Suli, qyteti do të kishte infrastrukturë me standardet e BE-së. Por shtresat e asfaltit të këtyre rrugëve zgjasin vetëm 2 muaj dhe plasariten.
Çdo muaj Suli firmos tenderë për rehabilitim rrugësh, për të cilat lëvron fonde të konsiderueshme. Këtë herë për dy rrugica ka vendosur të shpenzojë 600 milionë lekë.
Këto para do të xhirohen përmes tenderit me objekt “Ndërtim Rrugët “28 Nëntori “+1 Maji “, fituesi i të cilit është shpallur ditën e sotme (premte 12 janar 2024).
Nisur nga emërtimi i tenderit, të jepet përshtypja që do të bëhen punime të mëdha, sepse janë dy rrugë, në fakt më poshtë do të shohim që janë vetëm 2 rrugica lagjeje që kanë nevojë për një shtresë asfalt dhe puseta kulluese.
Të dyja bashkë kanë një gjatësi 1,8 km, pra secila më vete asnjë kilometër rrugë nuk është, që të justifikohen milionat që po derdhen.
Por kryetari Suli nuk pyet fare se si do të bëhen punimet.
Për të ka rëndësi vetëm të lidhë kontrata me biznesmenët e besuar. Duke parë vlerën e lartë të fondit limit kanë shprehur interes dhe kanë paraqitur ofertat e tyre 12 kompani. Por të gjithë janë lodhur më kot, sepse Sulit e kishte paracaktuar me kohë fituesin.
Edhe këtë mund ta tregojë fare qartë “Flamuri i Kuq” që i është vënë këtij tenderi nga Open Data, për riskun e korrupsionit. Kjo sepse, Komisioni i Vlerësimit të ofertave ka shkelur rregullat e konkurrencës, duke përjashtuar nga gara 11 oferta të tjera.
Kështu kaloi për në fazën finale të garës vetëm oferta e kompanisë LIQENI VII SHA, në pronësi të Ramazan Kalisë.
Pronari i kompanisë është mjaft i njohur për tenderët pa garë që përfiton nga institucione të rëndësishme, për më shumë nga Rakip Suli dhe nga Ministri i Mbrojtjes, Niko Peleshi.
Kujtojmë se në nëntor 2023, Rakip Suli u mor dy herë në pyetje nga SPAK për hetimet e nisura ndaj tij. Pas kallëzimit për veprat penale “Ushtrim i ndikimit të paligjshëm ndaj personave që ushtrojnë funksione publike”, “Shpërdorimi i detyrës”, “Shkelja e barazisë së pjesëmarrësve në tendera apo ankande publike” dhe “Korrupsioni pasiv i personave që ushtrojnë funksione publike”, SPAK regjistroi procedimin penal. Burime bëjnë me dije se SPAK po kryen hetime për zyrtarë të bashkisë Kamëz, edhe lidhur tendera të pastrimit të qytetit dhe dëmshpërblimet për tërmetin.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Sikur të hidheshin në rrugët e Kamzës aq lekë sa njofton në tendera kryetari Rakip Suli, qyteti do të kishte infrastrukturë me standardet e BE-së. Por shtresat e asfaltit të këtyre rrugëve zgjasin vetëm 2 muaj dhe plasariten.
Çdo muaj Suli firmos tenderë për rehabilitim rrugësh, për të cilat lëvron fonde të konsiderueshme. Këtë herë për dy rrugica ka vendosur të shpenzojë 600 milionë lekë.
Këto para do të xhirohen përmes tenderit me objekt “Ndërtim Rrugët “28 Nëntori “+1 Maji “, fituesi i të cilit është shpallur ditën e sotme (premte 12 janar 2024).
Nisur nga emërtimi i tenderit, të jepet përshtypja që do të bëhen punime të mëdha, sepse janë dy rrugë, në fakt më poshtë do të shohim që janë vetëm 2 rrugica lagjeje që kanë nevojë për një shtresë asfalt dhe puseta kulluese.
Të dyja bashkë kanë një gjatësi 1,8 km, pra secila më vete asnjë kilometër rrugë nuk është, që të justifikohen milionat që po derdhen.
Por kryetari Suli nuk pyet fare se si do të bëhen punimet.
Për të ka rëndësi vetëm të lidhë kontrata me biznesmenët e besuar. Duke parë vlerën e lartë të fondit limit kanë shprehur interes dhe kanë paraqitur ofertat e tyre 12 kompani. Por të gjithë janë lodhur më kot, sepse Sulit e kishte paracaktuar me kohë fituesin.
Edhe këtë mund ta tregojë fare qartë “Flamuri i Kuq” që i është vënë këtij tenderi nga Open Data, për riskun e korrupsionit. Kjo sepse, Komisioni i Vlerësimit të ofertave ka shkelur rregullat e konkurrencës, duke përjashtuar nga gara 11 oferta të tjera.
Kështu kaloi për në fazën finale të garës vetëm oferta e kompanisë LIQENI VII SHA, në pronësi të Ramazan Kalisë.
Pronari i kompanisë është mjaft i njohur për tenderët pa garë që përfiton nga institucione të rëndësishme, për më shumë nga Rakip Suli dhe nga Ministri i Mbrojtjes, Niko Peleshi.
Kujtojmë se në nëntor 2023, Rakip Suli u mor dy herë në pyetje nga SPAK për hetimet e nisura ndaj tij. Pas kallëzimit për veprat penale “Ushtrim i ndikimit të paligjshëm ndaj personave që ushtrojnë funksione publike”, “Shpërdorimi i detyrës”, “Shkelja e barazisë së pjesëmarrësve në tendera apo ankande publike” dhe “Korrupsioni pasiv i personave që ushtrojnë funksione publike”, SPAK regjistroi procedimin penal. Burime bëjnë me dije se SPAK po kryen hetime për zyrtarë të bashkisë Kamëz, edhe lidhur tendera të pastrimit të qytetit dhe dëmshpërblimet për tërmetin.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
