Moti i keq ka goditur prej dy ditësh Tropojën e cila ka lënë banorët në vështirësi për sa i përket qarkullimit në zonë. Alarmi u dha nga kryebashkiaku i cili kërkoi ndihmë nga autoritetet përkatëse.
‘Rrjeti tensioni mesëm #FierzëMoti i keq, me reshje dëmtoi linjën, brigadat e #OSSH #Kukës #Tropojë në terren për riparimin e avarisë‘- thuhet në njoftim.
Gjithashtu, kujtojmë se moti i keq ka përfshirë gjithë vendin që prej mesnatës ku ka shkaktuar erëra dhe reshje të pandërprera. Gjatë natës ka pasur reshje të vazhdueshme të cilat janë të pranishme edhe sot por me ndërprerje shoqëruar me shkarkime atmosferike herë pas here.
Ndërkohë, raportohet se sot një erë e fuqishme ka prekur zonën e shoqëruar me një shi të rrëmbyeshëm i cili ka mbajtur rreth 7 minuta. Aktualisht koha është qetësuar dhe po bie një shi pa erë.
Më herët, reshjet intensive të shiut shkaktuan probleme edhe në Tropojë, ku kreu i Bashkisë, Rexh Byberi ngriti alarmin se ujërat krahas dëmeve në rrugë e kanalizime, rrezikojnë edhe përmbytjen e banesave në Bytyç.
