Zëdhënësi i Unicef Christophe Boulierac, ka bër të ditur se janë 45 fëmijët që humbën jetën në atentatet e Sri Lankes.
Sipas zëdhënësit italian të Unicef Andrea Iacomini, 27 fëmijë kanë vdekur dhe 10 janë plagosur nga shpërthimi në Kishën e San Sebastian, Katuwapitiya, në Negombo.
Në Batticaloa, kanë vdekur 13 fëmijë, më i vogli 18 muajsh, 15 fëmijë nga 7 dhe 16 vjeç janë shtruar në spital ku po marrin ndihmën mjekësore dhe 5 fëmijë me kombësi të huaj kanë vdekur. 20 fëmijë janë shtruar në spital në Colombo, ku katër prej tyre ndodhen në terapi intensive.
