Spitali Amerikan me rastin e 10 vjetorit të tij do të organizojë një koncert bamirësie, në përkrahje të fëmijëve me probleme në dëgjim.
Të ardhurat nga shitja e biletave do të shkojnë për realizimin e operacionit për vendosjen impiantit koklear tek fëmijët që kanë lindur me këto probleme.
Të ftuar në këtë aktivitet prestigjioz do të jenë sopranoja e suksesshme botërore Maria Jose Siri, Josif Gjipali, Kastriot Tusha, Mario Karaj, soprano Sindi Mamaqi, si dhe këngëtarët Rona Nishliu dhe Dren Abazi, së bashku me pianistin Ekland Hasa.
Koncerti do të mbahet në Pallatin e Kongreseve në datë 27 Janar në orën 20.00.
