Parada ushtarake me 150 automjete tokësore, 4,200 burra dhe 76 avionë në ditën Kombëtare Spanjolle, të zhvilluar të shtunën në Madrid, u shoqërua edhe me incidente. Parashutisti, i cili mbante flamurin spanjoll duhej të bënte uljen para çiftit mbretëror por diçka shkoi keq dhe parashutisti u përplas gjatë uljes me një nga shtyllat e ndriçimit përpara turmës dhe mbretit Felipe VI dhe gruas së tij Letizia.
Parashutisti, i cili mbeti i varur në shtyllë, iu dha menjëherë ndihma pas incidetit. Ministria e Mbrojtjes bëri me dije se parashutisti që ka një përvojë prej 600 lëshimesh, nuk është lënduar gjatë këtij aksidenti.
