SPAK ndaloi gazetarin Elton Qyno të vazhdojë të publikojë pjesë nga dosja hetimore e Dumanit. Në njoftimin për shtyp organ i Posaçëm i akuzës shkruan se gazetari ka publikuar disa të dhëna sekrete, që shkonin përtej vendimit të gjykatës.
Në një prononcim për median Qyno tha se nuk do të publikojë me dëshmi e pjesë nga dosja e bashkëpunëtorit të drejtësisë, Nuredin Dumani, vendim ky që iu komunikua në prokurori. Por, gazetari Elton Qyno shtoi se po shikoni mundësinë e kundëshrtimit te këtij vendimi në Gjykatë.
“Do vijoj ta zbatoj vendimin që më komunikuan sot në Prokurori. Por po shikojmë mundësinë ta kundërshtojmë, këtë urdhër në gjykatë,”- tha Qyno.
Sot SPAK lëshoi një urdhër përmes të cilit ndalon gazetarët që të publikojnë rrëfimet e Dumanit. Në të kundërt, gazetarët rrezikojnë deri në 5 vite burg.
Nuredin Dumani dhe Henrik Hoxhaj kanë zbërthyer ngjarje kriminale që nga viti 2011 deri në 2022-shin. Për këtë operacion të SPAK, u lëshuan 32 urdhër arreste, nga të cilat 18 u ekzekutuan nga policia (prej të cilave 9 masa iu komunikuan persona të arrestuar për vepra të tjera penale), ndërsa 14 janë ende në kërkim.
14 PERSONAT NË KËRKIM:
1.Eljo (Ervis) Bitri,
2.Festim Qoli,
3.Alban Bengasi,
4.Ervis Martinaj,
5.Elvin Merlika
6.Alket Xhixha
- Marjus (Suel) Lulaj (Çela),
8.Agron (Kamber) Mehja,
- Aleks Çela alias (Tom Qorri),
- Talo Çela,
- Agim Gjini,
12.Mikael Qosja (Kamami) (Stefo),
- Florenc Çapia
- Abedin Mama (Dine Çami)
