Anëtari i Këshillit Kombëtar të PD-së, njëkohësisht dhëndërr i ish-kryeministrit Sali Berisha, Jamarbër Malltezi ka reaguar për aferën miliona euroshe të inceneratorëve. Sipas Malltezit, brenda 2 javëve janë vjedhur 15 mln euro me kontratat për inceneratorin e Fierit.
‘Kjo është një aferë shumë e rëndë, ku janë të përfshirë shumë elementë të politikës, përfshirë dhe Edi Ramën.
Këto materiale dhe denoncime kanë më shumë se 1 vit që bëhen në SPAK dhe asnjë gjë nuk është bërë, kjo është një kronikë e një vjedhje të paralajmëruar me të cilën SPAK vetëm lan duart. Ky është momenti i fundit, kur këta duan të pastrojnë paratë, duan të heqin paratë që kanë fituar.
Në inceneratorin e Fierit, me një palë letra u përdorën 3 herë. Te Fieri kemi vetëm një copë letre që vërteton një vjedhje prej 15 milionë eurosh menjëherë. Brenda 2 javësh ka firmosur me shtetin për 30 milionë euro për ta dorëzuar me çelësa në dorë dhe dy javë më pas ka firmosur me italianin që të ja mbarojë për 15 milionë euro.
15 mln euro e tjera janë këto shefat që kanë futur paratë ne xhep. Këtu SPAK nuk ka vepruar edhe pse ka më shumë se 3 vjet që është bërë publike.
Ka thuajse 2 vjet që është bërë padia publikisht SPAK për grup kriminal, me në krye Ramën, Agaçin, Ahmetajn, Kokën e me radhë.
Janë 3 kontrata, njëra 22 milionë euro, tjetra 30, e tjetra 128 mln euro, janë mbi 180 milionë euro vetëm për ndërtimin dhe janë gati 250 milionë të tjera që do të hidhen për operimin. Pra bëhet fjalë për një aferë 430 milionë eurosh’, deklaroi Jamarbër Mallatezi.
