Ish-prokurori i krimeve të rënda Eugen Beci, ka komentuar në studion e Euroneës kërkesën e SPAK drejtuar Kuvendit të Republikës për arrestimin e ish-ministrit Arben Ahmetaj.
Beci tha se një nga problemet kryesore të Kushtetutës së Shqipërisë është se nuk e lejon organin e akuzës të kryej hetime surprizë.
Sipas tij imuniteti i deputetëve u jep kohë atyre që të pastrojnë shtëpitë dhe të mos gjenden dokumente apo sende të kundërligjshme.
“Problemi është a e lejon kjo Kushtetutë SPAK-un të kryej hetime surprizë. Nga pikëpamja proceduriale kemi tre probleme të cilat lindin në këtë rast.
Nuk kemi efektin surprizë të kontrollit, i cili do të duhet të gjente sende apo dokumente të kundërligjshme pasi do të kemi 3 apo 4 ditë kohë që të përgatitet subjekti.
Sepse nuk ka subjekt që të mendojë që do i vi policia dhe nuk mund të rregullojë banesën dhe t’i mbajë gjërat aty.
Minimalisht do marrë pluhrat e shtëpisë që kur të vijnë oficerët mos të kenë turp çfarë të gjejnë në shtëpi. E dyta është se bashkë me autorizimin është një kërkesë e motivuar së bashku me provat. Nëse provat u dorëzohen deputetëve a kemi një problem të ndërhyrjes së drejtësisë.
A mos duket se konfondohen sistemi i drejtësisë dhe parlamenti, kush është parlamenti që duhet të vlerësoj që ka apo s’ka prova.
Pra duhet të themi që gjykata nuk është i vetmi organ kompetent ku duhet të diskutohen provat. E treta është mbajtja e seancave me dyer të mbyllura, formale që të bën për të qeshur.
Pasi ata që duhet të mësojnë sekretin që janë deputetët, do i mësojnë këto gjëra, pasi do ta kenë dosjen”, tha Beci.
The post SPAk kërkon arrestimin, ish-prokurori: Ja pse Kushtetuta favorizon Ahmetajn appeared first on 27.
