Mbi 40 milionë lekë do të shpenzojë Bashkia Shkodër për të mirëmbajtur disa rrugica në periferi të qytetit dhe ato në Theth. Më 16 dhjetor 2022, brenda një dite, kryebashkiaku demokrat Bardh Spahia ka firmosur dy tenderë në kundërshtim me ligjin. Një nga prokurimet ka si qëllim “Shërbime për mirëmbajtje emergjente të segmentit ”Ura e Mesit-Prekal-Kir-Mali i Shoshit-Breg Lumi-Nderlysaj-Theth”. Për këtë tender janë lënë në dispozicion rreth 20 milionë lekë. Shumë para për disa rrugica në fshatra, që në fakt pothuajse janë inegzistente.
Pikërisht duke u marrë më këto projekte, investimet e të cilit nuk i sheh njeri, Spahia i nënshkruan kontratat me abuzime. Kështu, projekti është mbyllur pa u zhvilluar një garë. Nga dokumentet duket se ofertë ka paraqitur vetëm firma “ALB-KONSTRUKSION” sh.p.k me pronarë Ejell Radohina dhe Naim Fatkoja. Pa menduar aspak për rregullat, Spahia shpall fituese kompaninë në fjalë, duke cenuar kështu konkurrencën. Open Data Albania e ka futur në listën e tenderëve me “flamur të kuq”, pasi ka risk abuzimi me fondin.
20 milionë lekë për rrugicat në qytet
Duke qenë se tenderi më lart kaloi pa u lagur. Spaho firmos edhe një tjetër kontratë, po në të njëjtën ditë me vlerë 20 milionë lekë. Këtë herë kreu i Bashkisë Shkodrës ka menduar që të përdorë si grep për paratë, mirëmbajtjen e rrugicave të qytetit. Dhe nuk është aspak rastësi se fituese e këtij tenderi është sërish firma “ALB-KONSTRUKSION”sh.p.k”.
Kompania në fjalë duket se ka përcaktuar dhe fondin për këtë projekt, pasi oferta e saj ka qenë 2 075 120,00 lekë të reja, pra sa 90% e fondit limit. Shto këtu faktin se Spaho nuk ka pritur asnjë kompani tjetër, por ia ka firmosur kontratën kësaj firme.
Të dy prokurimet janë dhënë pa garë, me çmimin që ka ofruar kjo kompani dhe asnjë masë nuk është marrë për të siguruar konkurrencën. Do të ishte mirë, sikur kryebashkiaku të mendonte kaq shumë edhe për familjet që kanë nevojë për mbështetje në këtë prag festash. Me këto abuzime, Spahia tregon se modeli i demokratëve në qeverisjen vendore nuk ndryshon nga ai i socialistëve në pushtet!
Lexo edhe: Spahia i jep 220 mln lekë Benard Martinit për fasadën e 1 shkolle
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
