Kryeministri i Sllovenisë, Miro Cerar, tha se Sllovenia ka mbyllur tërësisht kufirin e saj me Kroacinë për emigrantët që nuk kanë viza të ligjshme për të hyrë në Bashkimin Evropian.
Ai tha se Sllovenia nuk do të pranojë më transport të organizuar refugjatët.
Cerar tha se vendimi për të mbyllur kufirin pason samitin e së hënës të BE-së, gjatë të cilit është rënë dakord “për të ndalur migrimin e parregullt” drejt Evropës Qendrore.
Rreth 478,000 refugjatë kanë kaluar përmes Sllovenisë, kryesisht me tren, që nga mesi i tetotir të vitit të kaluar.
Sllovenia u shndërrua në vend tranzitor pasi Hungaria ndërtoi mur me tela përreth kufirit të saj për të penguar fluksin e emigrantëve.
