Një sasi prej 1888 kg marijuanë është sekuestruar në Skrapar, ndërsa u arrestua shtetasi Islam Zylyftari dhe V.Z., M.Z. dhe F.B. u shpallën në kërkim.
Droga është sekuestruar në kuadër të operacionit “Bogova” ku në fshatin Përparim, në banesën e parë në pronësi të shtetasit Islam Zylyftari është gjetur një kamion i ngarkuar me bimë narkotike marijuanë ku pesha e lëndës ishte rreth 820 kg.
Në banesën e dytë në pronësi të shtetasit V.Z (i shpallur në kërkim) janë gjetur 50 thasë me bimë narkotike marijuanë me peshë rreth 485 kg. Në banesën e tretë në pronësi të shtetasit M.Z (i shpallur në kërkim) është gjetur një sasi prej 5 kg.
Në vijim të operacionit janë gjetur të braktisura në rrugën nacionale Poliçan-Bogovë, në vendin e quajtur “Lëmi” 133 qese transparente me lëndë narkotike e dyshuar marijuanë me peshë rreth 576 kg.
Sasia e lëndës narkotike e sekuestuar në total është 1888 kg. Në cilësinë e provës materiale janë gjetur dhe sekuestruar gjithashtu 3 armë zjarri dhe 40 fishekë.
