542 rrënjë bimë narkotike janë asgjësuar, ndërsa është ndaluar kryeplaku i fshatit për moskallëzim të krimit.
Sipas policisë, në “Pyllin e Gjonbashit”, mbi fshatin Gurazezë, në toka të hapura rishtas në pyll, u gjetën të kultivuara 542 rrënjë bimë kanabis.
Bimët u asgjësuan në vend me anë të djegies, ndërsa u ndalua Sefer A. 64 vjeç, banues në fshatin Gurazezë, me detyrë kryeplak i fshatit për moskallëzim krimi. Vijojnë hetimet për identifikimin dhe kapjen e autorëve.
Materialet i kaluan Prokurorisë së Rrethit Gjyqësor Berat, për veprën penale ”Kultivimi i bimëve narkotike”, parashikuar nga neni 284 dhe për veprën penale “Moskallëzim i krimit” në ngarkim të shtetasit Sefer Ahmetaj parashikua nga neni 300 i Kodit Penal.
