Skënderbeu është sërish në merkato dhe këtë herë dy janë kërkesat e stafit karshi drejtuesve të klubit. Pas mbërritjes në Korçë të sulmuesit Zhordan Fleçer dhe pritjes për rikthimin e ganezit Randi Dumfur, korçarët kanë parë të dështojnë transferimet e Mensah dhe Zhibril.
Ganezi i Partizanit është një tratativë e mbyllur tashmë dhe me shumë mundësi do të qëndrojë si pjesë e të kuqve për shkak të avancimit të tyre në Europë. Kjo ka qenë një prej motiveve që sollën mbylljen pa sukses të kësaj negociate mes palëve.
Nga ana tjetër, Bubakar Zhibril Gumei nga Nigeri, nuk është se ka bindur cilësisht drejtuesit e Skënderbeut, të cilët kanë bërë prapakthehu në mënyrë që të mos shpenzonin shuma të tepërta për një lojtar që nuk ka përmbushur pretendimet e trajnerit.
Në kushte të tilla, lind e udhës që bardhekuqtë të hyjnë sërish në merkato për të kompletuar pozicionet, duke dubluar lojtarët. Kujtojmë këtu që edhe pse sulmi është i populluar me shumë element, për momentin si pikë referimi është vetëm Ardit Nikaj dhe deri diku Rashica apo Fleçer që mund të përshtaten.
Për këtë mund të thuhet se në Korçë mungon pika e referimit që nxjerr ekipin përpara, prandaj dhe Gvozdenoviç pret patjetër qendërsulmues.
KËRKESAT
Trajneri i Skënderbeut po kërkon të ketë në ekip sulmuesin e shumëpritur. Në një prononcim për median sportive shqiptare “Panorama Sport”, i pyetur në lidhje me merkaton, Gvozdenoviç u shpreh se gjithçka është e hapur, madje korçarët janë të interesuar sipas tij edhe për një qendërmbrojtës tjetër, veç sulmuesit.
“Ne jemi sërish në merkato dhe do të kërkojmë deri në fund të plotësojmë ekipin me dy lojtarë për çdo pozicion. Për momentin mund të them se Mensah apo lojtarë të tjerë që janë lakuar nuk do të jenë pjesë e Skënderbeut. Por, është e sigurt që ne po kërkojmë sulmues dhe shpresoj të gjejmë alternativën e duhur.
Veç sulmuesit, ekipi ka nevojë edhe për një tjetër mbrojtës, pasi për momentin kemi vetëm dy lojtarë në qendër të prapavijës dhe Randin që ende nuk është bashkuar me grupin. Kjo na bën të brishtë në këtë repart, pasi sezoni është shumë i gjatë”, ka thënë serbi i pankinës./PanoramaSport
Skënderbeu është sërish në merkato dhe këtë herë dy janë kërkesat e stafit karshi drejtuesve të klubit. Pas mbërritjes në Korçë të sulmuesit Zhordan Fleçer dhe pritjes për rikthimin e ganezit Randi Dumfur, korçarët kanë parë të dështojnë transferimet e Mensah dhe Zhibril.
Ganezi i Partizanit është një tratativë e mbyllur tashmë dhe me shumë mundësi do të qëndrojë si pjesë e të kuqve për shkak të avancimit të tyre në Europë. Kjo ka qenë një prej motiveve që sollën mbylljen pa sukses të kësaj negociate mes palëve.
Nga ana tjetër, Bubakar Zhibril Gumei nga Nigeri, nuk është se ka bindur cilësisht drejtuesit e Skënderbeut, të cilët kanë bërë prapakthehu në mënyrë që të mos shpenzonin shuma të tepërta për një lojtar që nuk ka përmbushur pretendimet e trajnerit.
Në kushte të tilla, lind e udhës që bardhekuqtë të hyjnë sërish në merkato për të kompletuar pozicionet, duke dubluar lojtarët. Kujtojmë këtu që edhe pse sulmi është i populluar me shumë element, për momentin si pikë referimi është vetëm Ardit Nikaj dhe deri diku Rashica apo Fleçer që mund të përshtaten.
Për këtë mund të thuhet se në Korçë mungon pika e referimit që nxjerr ekipin përpara, prandaj dhe Gvozdenoviç pret patjetër qendërsulmues.
KËRKESAT
Trajneri i Skënderbeut po kërkon të ketë në ekip sulmuesin e shumëpritur. Në një prononcim për median sportive shqiptare “Panorama Sport”, i pyetur në lidhje me merkaton, Gvozdenoviç u shpreh se gjithçka është e hapur, madje korçarët janë të interesuar sipas tij edhe për një qendërmbrojtës tjetër, veç sulmuesit.
“Ne jemi sërish në merkato dhe do të kërkojmë deri në fund të plotësojmë ekipin me dy lojtarë për çdo pozicion. Për momentin mund të them se Mensah apo lojtarë të tjerë që janë lakuar nuk do të jenë pjesë e Skënderbeut. Por, është e sigurt që ne po kërkojmë sulmues dhe shpresoj të gjejmë alternativën e duhur.
Veç sulmuesit, ekipi ka nevojë edhe për një tjetër mbrojtës, pasi për momentin kemi vetëm dy lojtarë në qendër të prapavijës dhe Randin që ende nuk është bashkuar me grupin. Kjo na bën të brishtë në këtë repart, pasi sezoni është shumë i gjatë”, ka thënë serbi i pankinës./PanoramaSport
