Deputetja e Partisë Demokratike, Ina Zhupa ka bërë një tjetër denoncim në Kuvend duke zbuluar një tjetër skandal të qeverisë.
Nga foltorja, Zhupa publikoi një foto nga zona e Pemës së Thatë në Ksamil dhe tha se aty janë bërë ndërtime pavarësisht se duhet të ishte një zonë e mbrojtur. Zhupa tha se aty janë ndërtuar biznese e se u është hapur rruga për resorte.
“E shkoni zonën e Pemës së Thatë, zonë e bregdetit shkëmbor, këtu ka ndërtim, ja ku janë pemët, për këdo që e njeh zonën e Pemës së Thatë. E kuptoni sa betoniere kanë kaluar këtu dhe kanë gërryer shkëmbin, por nuk i ka parë asnjë institucion. Ndërtohet një kasolle atje dhe shkoni dhe e shembni. Ky tjetri këtu ndërton, dhe nuk e sheh asnjë institucion, ky e gëzon i qetë dhe i hapet rruga për ta zgjeruar ndërtimin e tij, bën edhe resort po të dojë,” tha Zhupa.
