Favorizimi apo përkrahja e familjarëve duke përdorur pushtetin është fenomen shqetësues që shoqëron jo vetëm politikën në Shqipëri.
Ministri i Bujqësisë, Faton Peci në emisionin “Context” në ATV ka folur për punësimin e vajzës së tezes së presidentes Vjosa Osmani, dhe motrën e Xhelal Sveçlës në institucionn që ai drejton.
Për vajzën e tezës së presidentes ai ka thënë se e ka sjellë vetë në ministri, derisa për motrën e Sveçlës ka deklaruar se ajo punon që nga viti 2005.
“Po bre unë e kam pru, ka ardhë transfer pesë muaj vajza e tezës së presidentes. Ndërsa, për motrën e Xhelal Sveçlës unë jam interesuar dhe ka dal po që kjo zoja punon aty që nga viti 2005, në ndërkohë ka dal që edhe njëra prej motrave të tjera po punojka në një projekt të Bankës Botërore por që nuk është staf i ministrisë e as nuk e kemi rekrutuar ne. Mua më vjen keq që kthehet ky debat”, ka thënë Peci.
