Njëri nga bashkëthemeluesit e firmës juridike me seli në Panama, që është në qendër të rrjedhjes masive të dokumenteve të njohura si “Letrat e Panamasë”, ka thënë se gjithçka është pasojë e një sulmi nga hackerat.
Personi Ramon Fonseca tha se kompania Mossack Fonseca ka bërë një padi penale te prokurorët e Panamasë lidhur me këtë shkelje.
Sipas tij, ka dëshmi se depërtimi i hakerëve ka qenë nga Evropa, por ka refuzuar të japë më shumë detaje.
Fonscea tha se firma nuk ka kryer krime “dhe në fund të kësaj stuhie pluhuri, ju do të shihni më qartë”.
Nga kjo rrjedhje masive e dokumenteve të publikuara më 3 prill në mënyrë simultane nga shumë organizata mediatike në disa gjuhë, janë zbuluar detaje të fshehjes së parave nga personalitete të rëndësishëm botërorë, duke nisur nga kryeministra e presidentë.
