Ditën e djeshme, është hedhur shorti për caktimin e gjyqtares që do të gjykojë dosjen e tenderit të uniformave të Policisë së Shtetit. Nga shorti u përzgjodh që dosja të shqyrtohet nga gjyqtarja Ingerta Hysi. Ndërkohë, që seanca për 9 të pandehurit e kësaj dosje pritet të zhvillohet më 21 prill.
Kujtojmë se për këtë dosje u dënua drejtoresha e Ministrisë së Brendshme, Edlira Naqellari, e cila tashmë është e lirë, dhe shtetasit; Flutura Çekrezi, Ani Omuri, Anisa Bogdani, Fatmir Demneri, Mariglen Buzali dhe Kreshnik Bejka, Gëzim Mingaj dhe Aurora Mulla. Vitin e kaluar u zbulua abuzimi me tenderin e uniformave të policisë në vitin 2020, me vlerë 25 milionë euro.
Të pandehurit për këtë çështje u gjykuan me gjykim të shkurtuar, duke përfituar edhe ulje me 1/3 të dënimit. Zyrtarët dhe ish-zyrtarët e Ministrisë së Brendshme u arrestuan në kuadër të një aksioni të ndërmarrë nga SPAK, nën akuzën se kishin shkelur rregullat e prokurimit publik, barazinë në tenderë dhe kanë shkaktuar dëm ekonomik ndaj shtetit.
Hetimet nga SPAK
Ndërkohë, kujtojmë se SPAK zbarkoi në Ministrinë e Brendshme më 10 korrik, ku u arrestua ish-drejtoresha e Agjencisë së Përqendruar të Blerjeve Edlira Naqellari së bashku me disa ish-zyrtarë të tjerë. Këto arrestime u kryen në lidhje me tenderin abuziv të datës 11 maj 2020 në lidhje me uniformat e policisë me vlerë 2.8 miliardë lekë, të akuzuar për shkelje të barazisë në tendera. SPAK ka përgjuar dhe monitoruar 9 zyrtarë dhe ish-zyrtarë të Ministrisë së Brendshme, ndërsa kanë qenë bashkëpunëtorët e drejtësisë ata që zbardhën skemën e shpërdorimit të tenderit. Ky tender është refuzuar të nënshkruhet nga një anëtar i Komisionit dhe një anëtar i prokurimit.Procedurat e tenderimit kanë nisur në vitin 2019 dhe sipas rregullave dhe ligjeve në fuqi, tenderi duhej të ndahej në tre pjesë të ndryshme, duke filluar nga uniformat, këpucët dhe dërgesa. Komisioni i Vlerësimit të Ofertave në Ministrinë e Brendshme i ka bashkuar të tria pjesët në vetëm një, çka ka sjellë rritje çmimesh, ulje të sasisë së materialeve dhe ulje të cilësisë. Fituesi i tenderit me vlerë 2.8 miliardë lekë, i cili ishte bashkimi i 4 operatorëve ekonomikë, një kompani shqiptare “D&E shpk” dhe 3 kompani të huaja “Summer Conf srl”, shoqëria “Lovers srl” dhe shoqëria YAKUPOGLU TEKSTIL VE DERI SAN. . YOU C. kishte mangësi në plotësimin e dokumentacionit dhe se kompanitë që ofronin çmime më konkurruese ishin të pakualifikuara.e cila ishte bashkimi i 4 operatorëve ekonomikë, një shoqëri shqiptare “D&E shpk” dhe 3 kompani të huaja “Summer Conf srl”, shoqëria “Lovers srl” dhe shoqëria YAKUPOGLU TEKSTIL VE DERI SAN. YOU C. kishte mangësi në plotësimin e dokumentacionit dhe se kompanitë që ofronin çmime më konkurruese ishin të pakualifikuara. e cila ishte bashkimi i 4 operatorëve ekonomikë, një shoqëri shqiptare “D&E shpk” dhe 3 kompani të huaja “Summer Conf srl”, shoqëria “Lovers srl” dhe shoqëria YAKUPOGLU TEKSTIL VE DERI SAN. YOU C. kishte mangësi në plotësimin e dokumentacionit dhe se kompanitë që ofronin çmime më konkurruese ishin të pakualifikuara.
