Deputeti Ervin Salianji bën thirrje për bashkimin e demokratëve.
Ai dënon lëvizjet e Enkelejd Alibeajt i cili pasditen e sotme shpërndau një njoftim për përjashtimin e 4 deputetëve demokratë pa asnjë kompetencë për një masë të tillë.
Salianji përmes një postimi në rrjetet sociale apelon për bashkimin e demokratëve me çdo kusht.
“Duhet bërë gjithçka për bashkimin dhe dhënien forcë demokratëve! Nuk ka përjashtime, sepse s’ka vendime të grupit parlamentar as mbledhje të tij! Kam keqardhje kur lexoj deklarata personale dhe në dëshpërim të cilat nuk i bëjnë mirē askujt. Sakrificat e demokratëve kërkojnë bashkim jo ndarje! Shqipëria meriton opozitë reale dhe dinjitoze, fati politik i çdokujt varet nga votat jo nga mllefet personale!
Partia Demokratike nuk është pronë e askujt, dhe inatet e vogla nuk bëhen dot vendime! Grupi Parlamentar do të reagojë me përgjegjshmëri dhe perpjekja për bashkim, do duhet te shihet me shumë respekt për ata qe e bëjnë realitet në interes të vendit dhe demokratëve. Kjo do te ndodhë! Vetëm kjo rrugë e bën fituese Partine Demokratike!”, shprehet Salianji.
